მარტა კოსის განცხადება საქართველოზე და ქართველი პოლიტიკოსების მწვავე შეფასებები

ევროკომისარმა გაფართოების საკითხებში მარტა კოსმა, ევროპის პარლამენტის პლენარულ სესიაზე საუბრისას, საქართველოს შესახებ განაცხადა, რომ „გაფართოება დღეს არის უსაფრთხოება, მშვიდობა, თავისუფლება და კეთილდღეობა“. მისი თქმით, საქართველოში „როდესაც რუსეთი იმარჯვებს, ავტოკრატიული სისტემა ახშობს დემოკრატიულ ხმებს“ და დასძინა, რომ ახლახანს მიღებული ახალი კანონი „თავს ესხმის ქვეყნის დემოკრატიულ და სამოქალაქო სივრცეს და ქვეყანას ევროკავშირისგან აშორებს, მიუხედავად იმისა, რომ მოსახლეობის უმრავლესობა ევროპულ მომავალს ისურვებდა“.
ამ განცხადებებს უპასუხეს ქართველმა პოლიტიკოსებმა.
„მარტა კოსმა საკუთარი განწყობა ცოტა ხნის წინ აჩვენა. ასეთი ადამიანის განცხადებები არაფერს ნიშნავს იმ გაგებით, რომ მისგან კარგს არაფერს უნდა ველოდოთ. არათუ გადაიხარა, არამედ თქვა, რომ საქართველოში შავი ფული უნდა შევიტანოთო. რაც შეეხება რუსეთს, ეს გავლენას აღარ ახდენს არც მოსახლეობაზე და არც საერთაშორისო მასშტაბით“, – აღნიშნა საპარლამენტო უმრავლესობის წევრმა თენგიზ შარმანაშვილმა,
პარლამენტის იურიდიულ საკითხთა კომიტეტის თავმჯდომარის არჩილ გორდულაძის განცხადებით კი „მარტა კოსი იმ ბიუროკრატიას წარმოადგენს, რომელიც პირდაპირ ერევა ჩვენი ქვეყნის შიდა საქმეებში. მისი მიზანია, ჩვენი ქვეყნის მთავარი ღირებულებების, დემოკრატიის და ქართველი ხალხის არჩევანის უგულებელყოფა და მხოლოდ კონკრეტული ძალების მართული მარიონეტული რეჟიმის დაბრუნება“.
კოსის განცხადება საქართველოს მიმართ და მისი შეფასება ქართულმა პოლიტიკურმა სპექტრმა მკვეთრად უარყოფითად შეაფასა, ამ საკითხზე პოლემიკა წარმოიშვა ევროკავშირის გაფართოების და დემოკრატიის საკითხებთან დაკავშირებულ გრძელვადიან პროცესებზე.