აჭარის უმაღლესი საბჭოს წევრები მასწავლებლის დღისადმი მიძღვნილ ღონისძიებას დაესწრნენ

 

აჭარის უმაღლესი საბჭოს თავმჯდომარის მოადგილე რამაზ ჯინჭარაძე და განათლების, მეცნიერების, კულტურისა და სპორტის საკითხთა კომიტეტის თავმჯდომარე დავით ბაციკაძე ბათუმის მე-16 საჯარო სკოლაში მასწავლებლის დღისადმი მიძღვნილ ღონისძიებას დაესწრნენ. ინფორმაციას აჭარის უმაღლესი საბჭო ავრცელებს.
უწყების ცნობით, მომავალი თაობების აღზრდასა და განათლებაში შეტანილი განსაკუთრებული წვლილისთვის, 5  ღვაწლმოსილი და 41 წარმატებული მასწავლებელი დაჯილდოვდა.
ღონისძიებების მიზანი მასწავლებელთა მრავალწლიანი, თავდადებული შრომის დაფასება და პროფესიული მიღწევების წახალისებაა.

,,პედაგოგებს ჯილდოები უმაღლესი საბჭოს წევრებმა, ავტონომიური რესპუბლიკის განათლებისა და სპორტის მინისტრმა – მაია ხაჯიშვილმა, საქართველოს განათლების, მეცნიერებისა და ახალგაზრდობის  მინისტრის მოადგილე – თამარ მახარაშვილმა და ხელისუფლების სხვა წარმომადგენლებმა გადასცეს.
მასწავლებლის დღისადმი მიძღვნილი ღონისძიებები საქართველოს განათლების, მეცნიერებისა და ახალგაზრდობის სამინისტროს ინიციატივით, რესურსცენტრების ორგანიზებითა და აჭარის განათლებისა და სპორტის სამინისტროს მხარდაჭერით მიმდინარეობს“, – აღნიშნულია ინფორმაციაში.