სასწავლო კურსი 52-მა ბენეფიციარმა დაასრულა

აჭარის დასაქმების სააგენტოს პროგრამის ,,დასაქმების ხელშეწყობა პროფესიული მომზადება/გადამზადების გზით“ კურსდამთავრებულთა დაჯილდოება გაიმართა. მსმენელებს კვალიფიკაციის დამადასტურებელი ორენოვანი სერტიფიკატები გადაეცათ, წარმატებულ კურსდამთავრებულებს, ასევე, – სამუშაო იარაღები.

დაჯილდოების ცერემონიაში მონაწილეობდნენ აჭარის ჯანდაცვის მინისტრის მოადგილეები ზურაბ თენიეშვილი და ილია ვერძაძე. მათ მსმენელებს კურსის წარმატებით დასრულება მიულოცეს და დუალური განათლების მნიშვნელობაზე ისაუბრეს.

სასწავლო კურსი 52-მა ბენეფიციარმა დაასრულა, კურსდამთავრებულთა 80% წარმატებით დასაქმდა შესაბამის სფეროებში.

პროგრამა ითვალისწინებდა პროფესიული უნარების შეძენის მსურველ სამუშაოს მაძიებელთა მომზადებას შემდეგ პროფესიებში: ელექტროობა, ბუღალტერია, კონდიტერია, ბარის ფუნქციონირება, კულინარიის ხელოვნება, მძიმე სამშენებლო ტექნიკის ოპერატორი, ვენტილაცია- კონდინცირება და შედუღება.

სწავლება კოლეჯ ,,ახალ ტალღაში“ მიმდინარეობდა.